Oh Dannäbaum

(Musik: Oh Tannenbaum/Volksweise, Text: Roman Sörgel 13.10.2009)

Oh Dannäbaum – oh Dannäbaum
Du bassd ned in mein Kufferraum
Du bisd zu grouß und a zu breid
Und vill zu deier doud mä leid
Oh Dannäbaum – oh Dannäbaum
Ich glaab ich mach des anders

Oh Dannäbaum – oh Dannäbaum
Dich gibbd ́s doch a aus Blasdig
Du kummsd aus China im Kadong
Schausd aus wäi echd – des mou i song
Oh Dannäbaum – oh Dannäbaum
Und bassd genau in Kufferraum

Oh Dannäbaum – oh Dannäbaum
Diech mousd blous schdeggn und ned schraum
Dann scha i in die baggung nei
300 Deile ei ei ei
Oh Dannäbaum – oh Dannäbaum
Jedzd gehd es and zusammenbaun

Oh Dannäbaum – oh Dannäbaum
Des is doch wergli ned zu glaum
Do brichd wos ab – do bassd wos ned
Und die Hälfd fehld – des gibbds doch ned
Oh Dannäbaum – oh Dannäbaum
Diech ko i in die Donne haun

Oh Dannäbaum – oh Dannäbaum
Ich glaab edz isser aus der Draum
Und die Morohl vo derä Gschichd
Ein Baum aus Blasdig bringd es nicht
Oh Dannäbaum – oh Dannäbaum
Ich brauch än gräßern Kufferraum

Oh Dannäbaum als PDF